Föstudaginn 23. maí síðastliðin útskrifuðust 10 heilsunuddarar frá FÁ. Þar á meðal var fyrsti neminn frá náminu okkar á Akureyri. Hér fyrir neðan er mynd af hluta hópsins að stilla sér upp fyrir myndatöku á sviðinu í Háskólabíói. Guðrún Narfadóttir kennslustjóri veitir góð ráð.

Nýútskrifaðir nemar nuddskólans héldu í óvissuferð á laugardag og skunduðu á Þingvöll þar sem þeir rötuðu um þjóðgarðinn.

Síðan var haldið í félagsheimili austan við Selfoss og gist þar í gleði. Þennan sama dag voru nemar sem útskrifuðust fyrir 10 árum að hittast og rifja upp góða tíma á veitingastað í höfuðborginni. Fréttaritari síðunnar komst ekki á þann fund þar sem hann kaus að halda á vit óvissunnar.

Óvissuhópurinn fyrir utan félagsheimilið við brottför.

Sunnudagurinn 4. maí markar annarlok hjá NÍ en þá er síðasta kennsluhelgi fyrir norðan. Nemendur sem voru að koma úr prófi í ilmolíunuddi, beint til kennslu í verklegum greinum klæddu sig í búninga af því tilefni. Þeim var snarlega stillt upp til myndatöku.

Glæsilegur hópur og ánægjulegt að þeir deili þeirri gleði með kennurum skólans að klæða sig í búninga við skemmtileg tilefni.