Þetta tveggja daga Trager kynningarnámskeið mun kenna fólki grunn í Trager aðferð sem það getur notað strax í sinni praktík.

Trager aðferðin var þróuð á 65 ára tímabili af Milton Trager M.D. og hjálpar til við að losa djúpstæð líkamleg og huglæg mynstur, þannig að slökun náist, betri hreyfanleiki og huglægur skýrleiki. Eitt af því sem Trager aðferðin gerir best er að ná fram djúpri slökun og kallar fram tilfinningu um að geta hreyft sig frjálslegar.

Það eru tvær hliðar á Trager aðferðinni, önnur þar sem skjólstæðingurinn er óvirkur og hin þar sem hann er virkur. Óvirka hliðin er vinna á nuddborði og hin virka kallast Mentastics. Hreyfingar eru aldrei þvingaðar svo það er aldrei sársauki eða óþægindi sem skjólstæðingur upplifir. Þetta áreynsluleysi í hreyfingum er það sem einkennir þessa vinnu.

Á þessum tveimur dögum munum við skoða hvernig Trager meðhöndlari vinnur. Þú munt læra að nota Mentastics og þyngdarskynjun með skjólstæðingum til að finna út hvar þeir halda spennu, læra að nota ykkar líkama betur við vinnu og vinna meira í núinu. Við munum skiptast á meðferðum í lokin þar sem það sem lærst hefur á námskeiðinu mun verða sett í samhengi við þá vinnu sem þið stundið.

Námskeiðið er fyrir starfandi meðferðaraðila eða lengra komna nema.

Kennarinn Nancy Toner Weinberger, BS, LMBT er skráður heilsunuddari í sínu heimafylki og hefur starfað sem slíkur í 35 ár. Hún hefur lært hjá Milton Trager og hefur haldið námskeið síðan 1992. Hún hefur haldið svona námskeið t.d. á ráðstefnum amerísku nuddsamtakana, í háskólum og nuddskólum.

Námskeiðið mun verða haldið helgina 18. og 19. ágúst og stendur frá 9:30 - 18 hvorn dag.

Fyrrum nemendur nuddskólans fá sérstök vildarkjör á þessu námskeiði eða kr. 10.000 fyrir þetta tveggja daga námskeið. Þeir sem vilja skrá sig snemma geta gert það. Aðeins verða 18 pláss í boði.